РАДЕ ЈОВЧЕВСКИ – КОРЧАГИН

Во рамките на проектот „Тајна медена“, во објектот „Пинокио“ се реализираа низа активности поврзани со значењето на пчелата за опстанокот на нашата планета Земја. 🐝🌍 Децата имаа можност да посетат пчеларски здруженија, да го разгледат „Паркот на пчелата“ на Факултетот за Земјоделски науки и Храна, и да го гледаат филмот „Тајна медена“ во МКЦ во Скопје. 🎬🍯 Во просториите на градинката се реализираа книжевни работилници, а библиотеката се збогати со уште една интересна сликовница – „Пчелата планетарно чудо“. 📚✨

Во текот на реализација на проектот, децата покажаа голем интерес и љубопитност и преку интерактивни активности се стекнаа со нови знаења и вештини. 👧👦 Научија како изгледаат пчелите, каде живеат, зошто се важни за човекот, зошто треба редовно да јадат мед, колку е важен медот за здравјето на човекот и колку е важно човекот да се грижи за пчелите. 🍯💪🌱 Завршниот настан на проектот се реализираше на „Светскиот ден на семејството“ со театарската претстава „Роденденска медена забава“ реализирана од страна на воспитниот тим заедно со децата. 🎭🎂🥳