ПРОГРАМИТЕ НА ДЕТСКАТА ГРАДИНКА 📖
Градинката според времетраењето по потреба ќе остварува програми за: целодневен престој, полудневен престој, скратени програми, пилот програми, како и вонинституционални форми за активности со деца.
Според побарувањата на корисниците на услуги, градинката реализира програма за целодневен престој на децата и тоа преку воспитно-згрижувачка дејност. 🧒
а) Згрижувачка дејност 🍼
Во Градинката се формирани 5 воспитни групи на деца на возраст од 0 до 2 год., распоредени во 3 објекти со вкупен број на 85 деца. Воспитувањето и негата на децата во овие воспитни групи ја реализираат негувателки, а нивна стручна поддршка при планирање и реализација на активностите за работа со децата им пружаат: директорот, одговорната медицинска сестра и стручниот тим на градинката.
Основни задачи на воспитно-образовната работа, нега и здравствена заштита (0-2 год.) се:
🔹 Зачувување и унапредување на здравјето на децата (низ активности за превентивно-здравствена заштита) 🩺
🔹 Негување, поттикнување и оплеменување на спонтаниот развој на детето (низ различни системи и облици на активности и игри) 🧩
🔹 Почитување на специфичноста на работата и индивидуалните потреби на детето 🌟
🔹 Создавање на поволно социјално-емотивно опкружување и структурирање на воспитната средина која ги задоволува потребите на децата 🤗
🔹 Стекнување на здравствено-хигиенски навики 🧼
🔹 Одржување на личната хигиена 🚿
Периодот на адаптација особено е важен период во прилагодување на детето во новата средина и од тие причини со особено внимание се планираат активностите кои на детето му овозможуваат попријатен престој во групата. 🧸
Соработката со родителите ќе се реализира преку индивидуални контакти, родителски состаноци, писмена комуникација во соработка на стручниот тим на установата, давање на совети и информации за родителите околу адаптацијата на нивните деца, сезонските болести и превенција на истите, вклучување во планирани активности заедно со децата, како и вклучување во стручни предавања-едукации. 🤝
Основната воспитно-згрижувачка дејност се реализира врз основа на Програмата за рано учење и развој (за деца од 0-2 год.). Со цел обезбедување на квалитетен згрижувачки и воспитен процес, активностите, целите и задачите ќе се планираат преку годишни, среднорочни (месечни) и дневни (оперативни) планови, а во процесот перманентно ќе се вклучуваат стручните работници, соработници и директорот. Реализираните активности континуирано ќе се евидентираат во новиот прилагоден Дневник на воспитна група и преку активности кои се објавуваат на веб-страната на Установата. 💻
За унапредување на квалитетот на работата и примена на Програмата се планираат активности за континуирана едукација на згрижувачкиот кадар од страна на стручниот тим, ангажирање на стручни лица од надвор, како и континуирано следење и евалуација. 📈
б) Организација на воспитно-образовната дејност 🎨
Специфичноста на Градинката, потребите, интересите и можностите на децата го предодредуваат планирањето, следењето и евалуацијата на работата на индивидуален план, на ниво на тимови и на ниво на установа.
Во Градинката се формирани 21 воспитна група распоредена во 4 објекти со вкупен број на 509 деца. Воспитувањето и образованието на децата на возраст 2-6 год. го реализираат воспитувачите и негувателите. 👩🏫
Во согласност со современите стручно-научни сознанија, приоритетни задачи на воспитно-образовниот и згрижувачки кадар ќе бидат:
🔹 Поттикнување на соработката со родителите како партнери во грижата за психофизичкиот развиток и воспитанието на децата 👨👩👧👦
🔹 Спроведување и вреднување на воспитно-образовната работа со цел обезбедување на квалитет и самовреднување ✔️
🔹 Осмислување и структурирање на безбедни простори за детската игра, во функција на самостојност, меѓусебна комуникација и креативност 🤸
🔹 Поттикнување на кадарот во сите сегменти на реализација на планираните програми и проекти 🚀
Во однос на децата — придонесување кон целокупниот развиток преку:
🔸 Вклучување во работата во периодот на адаптација
🔸 Проценка на психофизичкиот статус/развој на детето
🔸 Учество во откривањето на деца со посебни потреби
🔸 Следење и проценување на актуелните потреби
🔸 Развивање на холистички пристап на развој на секое дете
🔸 Непосредна-индивидуална работа со децата
🔸 следење на писмена педагошка документација (Досие на дете)
