ЈУДГ на ОЦ „Раде Јовчевски – Корчагин‘‘ е основана 1948 година. Установата започна како јасли, но потоа прерасна во детска градинка која беше единствена во градот и работеше втора смена. Започнавме со еден објект – барака, се проширивме и сега имаме 4 објекта. Со децентрализација, објектот „Петар Пан‘‘ е доделен на друга општина и во моментов броиме три објекти, сите тие се наоѓаат на територијата на општина Центар. Во градинката згрижуваме, воспитуваме и образуваме деца на возраст од 0 – 6 години, организирани во 21 воспитна група, според стандардите предвидени со закон.
Функционирање
Започнуваме со работа во 06 часот, а завршуваме во 18 часот. Во објектот „Пепелашка“ се работи до 22 часот.
Наутро во градинката ве дочекува пријатна атмосфера, поддржана со внимателно избрана музика, која што се слуша во ходниците.
Потоа следуваат нежни средби на детето со учителката, утринска гимнастика, игри, културно – хигиенски навики и појадок. Започнува реализација на однапред планирани активности, како задоволување на индивидуални интереси, истражувачки проекти, престој во дворот и физички вежби.
Сето тоа се одвива во пријатна атмосфера, со тивко обраќање на возрасните. Со користење на современи техники за релаксација и стекнување на позитивна слика за себе и градење на поголема самодоверба на младите личности.
Соработки
Соработката со општествената средина се остварува повремено, во согласност со нашите потреби и тоа со следните институции:
– Соработка со други градинки;
– Соработка со основни училишта;
– Соработка со МТСП – сектор за детска заштита во врска со целокупното работење на Градинката;
– Министерство за образование и култура;
– Министерство за здравство – хуманитарна акција – „даруваме крв“;
– Центар за социјални грижи на град Скопје
– Педагошки факултет;
– Филозофски факултет;
– Завод за домаќинство;
– Завод за ментално здравје;
– Сојуз на просветни работници;
– Сојуз на борците на Р. Македонија;
– Сојуз за грижи на децата на град Скопје и на Република Македонија;
– Градско здружение на Ликовни педагози;
– Детски креативен центар;
– Театар за деца и малди;
– МОБ;
– Спомен домот на Мајка Тереза;
– СОЖМ – учество на манифестации;
– Биро за развој на образование;
– МБУЦ – „Илија Николовски ЛУЈ“;
– УНИЦЕФ.
Соработка со Локална самоуправа
Општина Центар е докажан пријател на децата. Во изминатиот период заедно реализиравме повеќе проекти кои беа оценети како многу успешни, и добивме поголеми инвестициски вложувања за подобрување на физичката кондиција на објектите.
Оригинални проекти
„Најголемите животни и морални вредности во етичкото воспитување на децата во предучилишна возраст“ – воведување на етичките вредности: вистина, мир, љубов, добро однесување и ненасилство.
„Детското срце без граници патува во Пустец – Р. Aлбанија“ – хуманитарен и прогласен за проект од јавен интерес.
„Искористување на сончевата енергија преку инсталирање на соларни колкетори во градинката“ – вклучување во светските текови за заштита на природата и намалување на емисијата на штетни гасови.
„Со демократија и детски права – не боли глава“ – излегување во пресрет на потребите на сите деца и родители, да се запознаат со детските права, но и обврски.
Прв македонски детски мјузикл „Љубовта победува се“
„Велигденски појадок“ – децата со родителите
„Рецептите од кујната на градинката Корчагин“
Како резултат на реализираните проекти произлегоа и трите интерни прирачника, со голема и трајна едукативна вредност.