Следи ја линијата
Проект: „Моливче во рака – знаење без мака“
Во нашата градинка започна реализацијата на проектот „Моливче во рака – знаење без мака“, насочен кон развивање на графомоторичките вештини кај децата од предучилишна возраст од 5 до 6 години, со вклучување на сите воспитни групи.
Реализатор на проектот: дефектолог.
Графомоториката претставува способност за координирано движење на раката и прстите при пишување, цртање и следење линии. Таа е од особена важност во предучилишниот период, бидејќи претставува основа за правилно држење на моливот, развој на фината моторика, координацијата око–рака и подготовка на детето за пишување и училишни активности.
Во рамки на првата активност – „Следи ја линијата“, децата работеа во мали групи и преку креативна и сензорна игра ги следеа и оформуваа различните линии (права, коса, брановидна и кружна). Со различни материјали децата ја следеа формата на линијата без да излезат од неа.
Цел на активноста:
– развивање на графомоторичките вештини и фината моторика
– подобрување на координацијата око–рака
– поттикнување контрола на движењата на раката
– создавање основа за полесно усвојување на пишувањето
Преку игра, креативност и активно учество, децата на забавен начин ги развиваат вештините кои се важни за нивниот понатамошен развој и подготовка за училиште.
Поврзани содржини