РАДЕ ЈОВЧЕВСКИ – КОРЧАГИН

Нашата градинка беше посетена од преставници од Обединетото Кралство, Џонатан Франс и Клаудија Мановска.
Посетата беше поврзана со примената на програмата „Think Equal” – “Размислувај еднакво“ која во соработка со UNICEF, Министерството за социјална политика демографија и млади и Бирото за развој на образование беше воведена како дел од социјалните и емоционалните компетенции кај децата во сите градинки во Македонија.
Нашата земја е една од ретките во кои оваа програма се спроведува на национално ниво, поради што експертите од Обединетото Кралство изразија интерес овој успешен пример да биде документиран преку студија на случај
Целта на студијата е да се истражи напредокот во унапредувањето на социјалните и емоционалните вештини кај децата, да се извлечат поуки од воспоставеното партнерство, и да се идентификуваат преостанатите предизвици и стекнатите сознанија.Се очекува студијата да придонесе со корисни согледувања за понатамошно унапредување на социјалното и емоционалното образование во рамки на новата програма за рано учење и развој.
Експертскиот тим присуствуваше на активности од програмата ,,Размислувај еднакво” во големата воспитна група – објект „Пролет“.