РАДЕ ЈОВЧЕВСКИ – КОРЧАГИН

На 28.03.2026 година се одржа стручно усовршување кое уште еднаш ја потврди важноста од континуираното надградување на знаењата и вештините на воспитно-згрижувачкиот кадар. Во современото општество, улогата на воспитувачите, негувателите, стручните работници/соработници е од исклучително значење, па затоа нивното постојано професионално унапредување претставува основа за квалитетен воспитно-образовен процес.
Обуката беше реализирана од врвни предавачи кои преку своите излагања дадоа значаен придонес кон нашето професионално развивање.
Проф. д-р Лена Дамовска говореше за професионалниот идентитет на воспитувачот/негувателот, нагласувајќи ја неговата улога и значење во воспитно-образовниот процес. Преку нејзиното излагање се истакна важноста од свесно и одговорно градење на професионалниот интегритет.
Проф. д-р Алма Тасевска се осврна на унапредувањето на квалитетот во предучилишното образование преку примена на современи педагошки пристапи, при што беше потенцирана потребата од иновативност, креативност и прилагодување на активностите кон потребите на децата.
Проф. д-р Анета Бараковска зборуваше за вредностите и моралните норми, како и за улогата на воспитувачите, негувателите и стручните работници/соработници во нивното секојдневно имплементирање, со што се гради здрава и поддржувачка средина за раст и развој на децата.
Ова стручно усовршување претставува значаен чекор кон подигнување на квалитетот на нашата работа и дополнителна мотивација за понатамошен професионален развој, со цел обезбедување најдобри услови за правилен раст и развој на децата.