Татјана Михајловска, педагог во ЈУДГ „Раде Јовчевски Корчагин“ ги советува родителите: „Не е доволно детето само да набљудува и слуша, туку и сам да открива и истражува бидејќи со тоа ја задоволува својата радозналост, љубопитност. Преку доживувањето го поттикнува размислувањето и носењето заклучоци претставува темел за интелектуалниот развој.
Предшколското дете поголем дел од денот го поминува во игра, а развојот, учењето и работата ќе бидат успешни доколку се спроведуваат низ игра или содржат елементи на игра. Низ играта детето учи, се развива, се открива себеси и светот по пат на обиди и грешки, експериментирајќи со различни материјали, звуци, средства играње на улоги.
Играта е здрава, ја зајакнува координацијата на движење и го стимулира мозокот (поттикнува креативност и решавање на проблеми), ги учи децата на нови работи и ја зацврстува самодовербата. “

ДА РАСТАТ СИГУРНО, ДА ВИВНАТ ВИСОКО!

Ивана Мирчески логопед во ЈУДГ „Раде Јовчевски Корчагин“ ги советува родителите:
― „Мобилните телефони кои им се даваат на малите деца се една од причините кои им влијаат на говорот и подоцна прозборуваат, а поради тоа стануваат се повеќе мрзеливи и незаинтересирани за околината. Како резултат на развојот на технолошката комуникација, имаат и отсуство на учење двонасочна комуникација (лице в лице), а најчесто таквите деца не се учат да иницираат комуникација на адекватен, вербален начин. Се препорачува деца до 2 години воопшто да не се изложуваат пред екраните, деца од 3 – 5 години да не биде повеќе од1 час дневно, а од 6 – 18 години не повеќе од два часа дневно.“
ДА РАСТАТ СИГУРНО, ДА ВИВНАТ ВИСОКО!