Денес ние празнуваме, Патронат прославуваме!
Децата од големите воспитни групи од објект „Пинокио“ преку свечена приредба го одбелажаа 76 годишното постоење на градинката.
БРАВО! НАШИТЕ ДЕЦА ИЗВЕДОА ПРЕУБАВА ПРЕТСТАВА ЗА ПРАЗНИКОТ НА ГРАДИНКАТА РАДЕ ЈОВЧЕВСКИ КОРЧАГИН
Навистина е гордост да ги гледате нашите мали и умни главчиња колку сериозно се подготвиле за претставата и патронатот на нивната градинка. Нашите најмали заслужуваат најдобри услови за безгрижно детство кое ќе ги направи среќни нив, но и нас.
Затоа, во изминатиот период објектот Пинокио го збогативме со дидактички материјали и целосно го модернизиравме внатрешниот простор. Ги реновиравме занималните и ходниците, го реконструиравме ентериерот, извршивме замена на внатрешната столарија, прозорците и паркетот, тоалет на горниот кат, а направивме и целосна замена на електричната инсталација како и реконструкција на дел од водоводната и канализациона мрежа.
Продолжуваме да обезбедуваме услови за среќно детство на нашите најмали Центарци! – изјави Граноначалникот на О. Центар Горан Герасимовски.